Beste 13 kasu erregistratu dituzte Lea-Artibai eta Mutrikun
Atzo [uztailak 13] zazpi herritan erregistratu zituzten kasuak: Markina-Xemein (4), Mutriku (3), Lekeitio (2), Amoroto (1), Aulesti (1), Ondarroa (1) eta Ziortza-Bolibar (1). Duela bi aste 10 herrik zeukaten 0 tasa. Gaur, aldiz, lau herri baino ez daude egoera horretan. Bizkaia gune laranjan sartu da.
Lea-Artibai eta Mutrikuko egoera epidemiologikoak okerrera egiten jarraitzen du. Atzo [uztailak 13] COVID-19arekin kutsatutako beste 13 kasu erregistratu zituzten: 4 kasu Markina-Xemeinen atzeman zituzten, 3 Mutrikun, 2 Lekeition eta bana Amoroton, Aulestin, Ondarroan eta Ziortza-Bolibarren. Herri horietako intzidentzia tasak igo egin dira.
Azpimarragarria da duela bi aste HITZAren eremuan 0 tasa zeukaten herriak 10 edo 11 zirela eta gaur gaurkoz 4 herri baino ez daudela egoera horretan. Bosgarren olatuaren zipriztinak herri txikietara ere ailegatzen hasi dira.
Lurraldeak. Bizkaia gune laranjan sartu da gaur [uztailak 14]. Arabak 277,40ko tasa dauka (21 puntu igo da), Bizkaiak 323,66koa (28 puntu igo da) eta Gipuzkoak 463,18koa (37 puntu igo da).
Joan den aste osoan [uztailaren 5etik 11ra] 45 kasu zenbatu zituzten Lea-Artibai eta Mutrikun, duela bi aste baino 15 kasu gehiago: 34 Mutrikun erregistratu zituzten, 3 Ondarroan, 3 Markina-Xemeinen, 3 Lekeition, 1 Berriatuan eta 1 Etxebarrian.
Herriz herriko intzidentzia tasa (eguneratuta):
- Amoroto: 240,96 (atzo 0 tasa zeukan)
- Aulesti: 149,70 (atzo 0 tasa zeukan)
- Berriatua: 79,55
- Etxebarria: 805,37
- Gizaburuaga: 0
- Ispaster: 0
- Lekeitio: 193,72 (27 puntu igo da)
- Markina-Xemein: 179,10 (80 puntu igo da)
- Mendexa: 0
- Munitibar: 0
- Mutriku: 715,09 (57 puntu igo da)
- Ondarroa: 81,71 (11 puntu igo da)
- Ziortza-Bolibar: 455,58 (228 puntu igo da)
Lea-Artibai eta Mutrikuko egoera epidemiologikoaren bilakaera, azarotik:
