Ondarroa gune gorritik atera da
Atzo [abuztuak 30] 5 positibo erregistratu zituzten: 3 Lekeition eta bana Amoroton eta Mutrikun. Ispasterko, Markina-Xemeingo eta Ondarroako intzidentzia tasak jaitsi egin dira, eta Lekeitiokoa eta Mutrikuko igo. Gipuzkoa gune laranjan egotegik gune horian egotera pasatu da.
Azke orduetan COVID-19arekin kutsatutako bost kasu erregistratu dituzte Lea-Artibai eta Mutrikun: 3 positibo Lekeition erregistratu dituzte, eta bana Amoroton eta Mutrikun. Hain zuzen ere, Lekeitioko eta Mutrikuko intzidentzia tasak dira azken orduetan igo direnak. Gainerakoetan jaitsi edo berdin mantendu da. Ondarroaren kasuan, gainera, gune gorrian egotetik gune laranjan egotera pasatu da; atzo [abuztuak 30] 408,54ko tasa zeukan, eta gaur [abuztuak 31] 350,18koa dauka. Lekeitiok eta Mutrikuk gune gorrian egoten jarraitzen dute.
Lurraldeak. Arabak 337,06ko tasa dauka (atzo baino 20 puntu gutxiago), Bizkaiak 330,45ekoa (-11 puntu) eta Gipuzkoak 295,65ekoa (-11 puntu). Beraz, Gipuzkoa gune horian sartu da gaur, intzidentzia tasa 300 azpitik kokatu delako. Arabak eta Bizkaiak gune laranjan egoten jarraitzen dute.
Herriz herriko intzidentzia tasak (abuztuak 27):
- Amoroto: 481,93
- Aulesti: 449,10
- Berriatua: 556,88
- Etxebarria: 134,23
- Gizaburuaga: 0
- Ispaster: 806,45 (269 puntu jaitsi da)
- Lekeitio: 1.093,12 (14 puntu igo da)
- Markina-Xemein: 119,40 (40 puntu jaitsi da)
- Mendexa: 1.271,19
- Munitibar: 218,34
- Mutriku: 545,73 (19 puntu igo da)
- Ondarroa: 350,18 (58 puntu jaitsi da)
- Ziortza-Bolibar: 0
Joan den aste osoan [abuztuaren 23tik 29ra] 96 positibo kasu erregistratu zituzten Lea-Artibai eta Mutrikun, duela bi aste baino 15 kasu gehiago. Kasu gehien Lekeition erregistratu zituzten (54), eta atzetik datoz Ondarroa (16) eta Mutriku (12). Gainerako herrietan 5 kasu baino gutxiago erregistratu zituzten. Aldiz, Etxebarrian, Gizaburuagan eta Ziortza-Bolibarren ez zuten kasurik erregistratu; Gizaburuagak eta Ziortza-Bolibarrek 0 tasa daukate.
Lea-Artibai eta Mutrikuko egoera epidemiologikoaren bilakaera, azarotik:
