Uemak, Banaiz Bagara elkarteak eta Lekeitioko, Markina-Xemeingo eta Ondarroako udalek Euskara Plus ikastaroa antolatu dute elkarlanean. Ikastaroa euskaraz ez dakitenei zuzenduta dago, eta doan da. Esan dutenez, azken urteotan atzemandako premiei erantzun bat eman asmoz sortu dute ikastaroa. “Ikastaroaren helburua da zaintzan, zerbitzuen arloan (merkataritzan zein ostalaritzan) edota arrantza munduan aritzen diren edo lana aurkitu nahi duten etorri berriek lanerako gutxieneko euskara maila lortzea”. Irailaren 6tik 20ra izena eman daiteke, tokian tokiko udaletxeko harreran.
Zehaztu dutenez herri bakoitzean ikastaro bana emango dute, eta ez dira ohiko euskara eskolak izango. “Ikastaroa guztiz praktikoa izango da; batez ere rol jolasetan oinarrituko da. Ikasleek laneko egoera ezberdinetako hiztegia eta esamoldeak ikasiko eta horien erabilera praktikatuko dute”.
Aurreratu dute 30-40 ordu inguruko ikastaroa izango dela, eta izena ematen duten ikasleekin adostuko dituztela ikastaro bakoitzaren egunak eta orduak.
Ikastaroaren berri emateko, hiru herrietan eskuorriak banatuko dituzte, euskaraz eta gaztelaniaz, eta ekimena iragartzeko bideoa ere zabalduko dute sare sozialen bidez eta baita ere telefono bidezko mezularitza aplikazioetan, euskaraz, gaztelaniaz eta serer hizkuntzetan.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna izateagatik, orain HITZAkide egiten bazara katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
