Positiboak erregistratu eta gero, Ondarroa gune laranjan sartu da
Atzo [irailak 15] 14 positibo erregistratu zituzten Lea-Artibai eta Mutrikun: 6 Ondarroan, 4 Lekeition eta bana Berriatuan, Munitibarren, Mutrikun eta Ziortza-Bolibarren. Ondarroako intzidentzia tasa 70 puntu igo da, eta gaur [irailak 16] 300 baino gehiagokoa denez, gune horitik laranjara pasatu da.
Ondarroak 256,80ko tasa zeukan atzo [irailak 15]. Baina atzo [irailak 15] 6 positibo erregistratu zituztenez, gaur [irailak 16] 70 puntu igo da intzidentzia tasa, eta 326,84an kokatu da. Beraz, 300dik gorakoa denez, gune horian egotetik gune laranjan egotera pasatu da. Gainerako positiboak ondoko herrietan erregistratu dituzte: 4 Lekeition eta bana Berriatuan, Munitibarren, Mutrikun eta Ziortza-Bolibarren. Guztira atzo [irailak 15] 14 positibo erregistratu zituzten Lea-Artibai eta Mutrikun.
Berriatua, Munitibar eta Ziortza-Bolibarko intzidentzia tasak ere igo egin dira, eta Markina-Xemeingoa jaitsi. Lekeitiok gune gorrian egoten jarraitzen du, Markina-Xemeinek gune horian eta Mutrikuk gune laranjan.
Lurraldeak. Arabak 118,11ko tasa dauka (atzo baino 9 puntu gutxiago), Bizkaiak 146,73koa (-6 puntu) eta Gipuzkoak 152,82koa (-10 puntu). Hiru lurraldeak gune horian egoten jarraitzen dute.
Joan den aste osoan [irailaren 6tik 12ra] 78 positibo erregistratu zituzten Lea-Artibai eta Mutrikun, duela bi aste baino 37 kasu gehiago. Kasu gehien Lekeition erregistratu zituzten (32), eta atzetik datoz Ondarroa (14), Mutriku (11), Markina-Xemein (5), Ispaster (4), Aulesti (3), Berriatua (3), Amoroto (2), Etxebarria (1), Mendexa (1), Munitibar (1) eta Ziortza-Bolibar (1). Joan den aste osoan herri bakar baten ez zuten kasurik erregistratu aste osoan. Eta herri hori Gizaburuaga da.
Herriz herriko intzidentzia tasak (irailak 16):
- Amoroto: 1.445,78
- Aulesti: 748,50
- Berriatua: 318,22 (80 puntu igo da)
- Etxebarria: 134,23
- Gizaburuaga: 0
- Ispaster: 632,04 (134 puntu jaitsi da)
- Lekeitio: 927,08
- Markina-Xemein: 139,30 (20 puntu jaitsi da)
- Mendexa: 211,86
- Munitibar: 873,36 (218 puntu igo da)
- Mutriku: 319,91
- Ondarroa: 326,84 (70 puntu igo da)
- Ziortza-Bolibar: 455,58 (228 puntu igo da)
Lea-Artibai eta Mutrikuko bilakaera, 2020ko azarotik:
