Lea-Artibai eta Mutrikun 8 positibo gehiago erregistratu dira
Atzo [irailak 16] ondoko herrietan erregistratu zituzten positiboak: 3 Lekeition eta bana Berriatuan, Munitibarren, Mutrikun, Ondarroan eta Ziortza-Bolibarren. Intzidentzia tasa gorantz doa Lekeition eta gune gorrian jarraitzen du.
Ondarroa, Mutriku eta Lekeitioko intzidentzia tasek gorantz egiten jarraitzen dute. Ondarroak 256,80ko tasa zeukan herenegun [irailak 15], eta gaur [irailak 17] 338,51koa da. Atzo [irailak 16] Ondarroan kasu positibo bakarra erregistratu bazen ere, aste osoan zenbatu dituzte positiboak, eta, beraz, gune laranjan egotera pasatu zen atzo [irailak 16]. Mutrikun ere berdin. Kasu positiboak gutxi badira ere, egunero zenbatu dute bateren bat. Atzo [irailak 16] ere beste kasu 1 zenbatu zuten, eta beraz, intzidentzia tasa 338,73 izatera pasatu da. Gainerako positiboak ondoko herrietan erregistratu dituzte: 3 Lekeition eta bana Berriatuan, Munitibarren eta Ziortza-Bolibarren. Guztira atzo [irailak 16] 8 positibo erregistratu zituzten Lea-Artibai eta Mutrikun.
Berriatua, Munitibar eta Ziortza-Bolibarko intzidentzia tasak ere igo egin dira, eta Markina-Xemeingoa jaitsi. Lekeitiok gune gorrian egoten jarraitzen du, kasu positibo berriak agertzen jarraitzen dutelako. Hala ere, kasu positiboen kopurua jaisten doa. Atzo [irailak 16] 3 positibo erregistratu zituzten eta aurreko egun bakoitzean 4. Lekeitioko intzidentzia tasa 940,92 puntukoa da.
Lurraldeak. Arabak 112,96 tasa dauka (atzo baino 5 puntu gutxiago), Bizkaiak 137,51 koa (-9 puntu) eta Gipuzkoak 145,05 koa (-7 puntu). Hiru lurraldeek gune horian egoten jarraitzen dute.
Joan den aste osoan [irailaren 6tik 12ra] 78 positibo erregistratu zituzten Lea-Artibai eta Mutrikun, duela bi aste baino 37 kasu gehiago. Kasu gehien Lekeition erregistratu zituzten (32), eta atzetik datoz Ondarroa (14), Mutriku (11), Markina-Xemein (5), Ispaster (4), Aulesti (3), Berriatua (3), Amoroto (2), Etxebarria (1), Mendexa (1), Munitibar (1) eta Ziortza-Bolibar (1). Joan den aste osoan herri bakar baten ez zuten kasurik erregistratu aste osoan. Eta herri hori Gizaburuaga da.
Herriz herriko intzidentzia tasak (irailak 17):
- Amoroto: 1.445,78
- Aulesti: 748,50
- Berriatua: 397,77 (80 puntu igo da)
- Etxebarria: 134,23
- Gizaburuaga: 0
- Ispaster: 672,04
- Lekeitio: 940,92 (14 puntu igo da)
- Markina-Xemein: 119,40 (20 puntu jaitsi da)
- Mendexa: 211,86
- Munitibar: 873,36
- Mutriku: 338,73 (19 puntu igo da)
- Ondarroa: 338,51
- Ziortza-Bolibar: 683,37 (237 puntu igo da)
Lea-Artibai eta Mutrikuko bilakaera, 2020ko azarotik:
