Intzidentzia tasa jaitsita, Markina-Xemein gune berdean egotera pasatu da
Atzo [irailak 21] 7 positibo erregistratu zituzten Lea-Artibai eta Mutrikun: 3 Ondarroan, 2 Mutrikun eta bana Aulestin eta Lekeition. Mutrikuko intzidentzia tasa igo egin da, eta gutxi falta zaio berriro ere gune gorrian sartzeko. Lurraldeetako tasek behera egiten jarraitzen dute.
Atzo [irailak 21] 99,50ko tasa zeukan Markina-Xemeinek. Gaur [irailak 22], baina, 40 puntu jaitsi da, eta 60 azpitik kokatu denez, herria gune berdean sartu da. Etxebarriko tasa ere jaitsi egin da, eta gaur [irailak 22] 0 tasa dauka. Horren kontran, Mutrikuko intzidentzia tasa igo egin da, azken orduetan positiboak erregistratu dituztelako; Mutrikuk gune laranjan egoten jarraitzen du, baina 5 puntu igoko balitz, gune gorrian sartuko litzateke berriro ere.
Atzo [irailak 21] 7 positibo erregistratu zituzten Lea-Artibai eta Mutrikun: 3 Ondarroan, 2 Mutrikun eta bana Aulestin eta Lekeition.
Lurraldeak. Arabako intzidentzia tasa 90,25ekoa da gaur (atzo baino 4 puntu gutxiago), Bizkaikoa 110,61 (-6 puntu) eta Gipuzkoakoa 110,35 (-8 puntu).
Joan den aste osoan [irailaren 13tik 19ra] 70 positibo erregistratu zituzten Lea-Artibai eta Mutrikun, duela bi aste baino 8 kasu gutxiago. Bigarren astez jarraian, kasu gehien Lekeition erregistratu zituzten (36), eta atzetik datoz Ondarroa (14), Mutriku (12), Ziortza-Bolibar (3), Munitibar (2), Berriatua (2) eta Amoroto (1). Aipagarria da joan den aste osoan zenbat herritan ez zuten kasurik erregistratu (6): Aulesti, Etxebarria, Gizaburuaga, Ispaster, Markina-Xemein eta Mendexa.
Herriz herriko intzidentzia tasak (irailak 22):
- Amoroto: 481,93
- Aulesti: 299,40 (150 puntu jaitsi da)
- Berriatua: 397,77
- Etxebarria: 0 (atzo 134,23ko tasa zeukan)
- Gizaburuaga: 0
- Ispaster: 134,41 (134 puntu jaitsi da)
- Lekeitio: 913,24 (14 puntu jaitsi da)
- Markina-Xemein: 59,70 (40 puntu jaitsi da)
- Mendexa: 211,86
- Munitibar: 655,02
- Mutriku: 395,18 (19 puntu igo da)
- Ondarroa: 338,51
- Ziortza-Bolibar: 683,37
Lea-Artibai eta Mutrikuko bilakaera, 2020ko azarotik:
