Cobra taldearen kontzertua, urriaren 24an, Ondarroan
Taldeak Beikozinin eskainiko du kontzertua, 19:00etan. Sarrerak Internetez erosi daitezke.
David Gonzalezek (Berri Txarrakeko baxua), Josu Luengok (Evirus69 taldeko gitarra), Haritz Letek (Kokein taldeko bateria eta Cobrako ahotsa) eta Ekain Elorzak (Morgan taldeko bateria) osatzen duten taldeak urriaren 24an eskainiko du kontzertua, 19:00etan, Ondarroako Beikozinin (FYRE Tour). Sarrerak Internetez erosi daitezke, (10 euro+kudeaketa gastuak). Soberan geratuko balira, emanaldiaren egunean bertan ere leihatilan erosi ahalko dira (12 euro).
Diskoari buruz. Lau urteko etenaldia eta gero, rock-metal taldeak 2020an argitaratu zuen FYRE izeneko diskoa. Eta orain disko hori aurkezteko biran murgilduta daude. Lan berri horrek modu sotilean sonoritate berriak esploratzen ditu taldeari estilo berri bat gehituz eta beti ere aldaketa, berrikuntza eta eboluzioa ardatz izanik. Suaz gain, FYREk lau ere esan nahi du, disko berri hau laugarrena izanda. Baina elementu nagusia sua da, funtezsko kaleratuko den hamar abestiz osatutako lan berri hori energiaz sortu ahal izateko.
