Bilatu
Sartu
  • izan HITZAKIDE
  • zozketak
  • eskaintzak
  • hemeroteka
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Amoroto
      • Aulesti
      • Berriatua
      • Etxebarria
      • Gizaburuaga
      • Ispaster
      • Lekeitio
      • Markina-Xemein
      • Mendexa
      • Munitibar
      • Mutriku
      • Ondarroa
      • Ziortza-Bolibar
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritziak
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Emakumeak Lerroburura
    • Naturan barrena
    • Euskaldunak Australian
    • Adimen A.
  • Nor gara
  • Publizitatea
  • izan HITZAKIDE
  • zozketak
  • eskaintzak
  • hemeroteka
Sartu
Euskara

Euskal komunikabideen eraldaketarako administrazioen inplikazioa eskatu du Hekimenek

Eraldaketa digitalerako, hiru elementu nagusi daudela aipatu zuten: sektorearen inplikazioa, administrazioaren laguntza eta jendearen aldekotasuna.

Irati Urdalleta Lete (Berria)
Lea-Artibai eta Mutriku
2021/10/11

Eraldaketa sakonak eta azkarrak gertatzen ari dira komunikazioan. Hala ziurtatu zuen Igor Astibia Hekimen euskal hedabideen elkarteko koordinatzaileak. Garai berri horretara nola egokitu aztertzeko asmoz, Euskal komunikabideak berrikuntzaren bidean jardunaldiak egin zituzten joan den astean, eta horretan esan zuten berrikuntzarako gakoetako bat “administrazioen inplikazioa eta konplizitatea” dela.

Egungo egoeraren argazkia eginda, esan zuten digitalizazioak «bete-betean» eragin diola euskarazko komunikabideen munduari: negozio eredua «goitik behera» aldatu dela, publizitatea sare sozialetara pasatu dela…

Etorkizunera begira ere jarri ziren. Eraldaketa digitalerako, hiru elementu nagusi daudela aipatu zuten. Alde batetik, sektorearen inplikazioa behar dela nabarmendu zuten: «Hedabideok egin behar ditugu berrikuntza prozesu horiek». Beste aldetik, administrazioaren laguntza eskatu zuten: «Behar dugu erakunde publikoen sustapena edo inplikazioa, eta, hein batean, konplizitatea ere bai». Azaldu zutenez, Europan egon daitezke berrikuntzarako eta digitalizaziorako aukerak, eta, besteak beste, horiek identifikatzeko laguntza behar dute. Beste elementu «garrantzitsu» bat ere aipatu zuten: jendearen aldekotasuna. «Herri ekimeneko hedabideak izanda, gure indarguneetako bat hori da, eta lantzen eta garatzen segitu behar dugu».

Bingen Zupiria Eusko Jaurlaritzako Kultura eta Hizkuntza Politikako sailburuak onartu zuen egungo egoerak «panorama zaila» planteatzen duela

Helburuak lortzeko landu beharreko zortzi ildo zehaztu zituzten. Azaldu zutenez, Arabako, Bizkaiko eta Gipuzkoako erakundeekin ari dira datozen hiru urteetarako diru laguntzak adosten. Oraingo deialdiak «trantsiziozkoa» izan behar lukeela zehaztu zuten: «Gaur egiten dugunaz harago, beste euskarri batzuetan aritu, beste eduki mota bat egin… nahi badugu, ezin dugu egungo deialdiko zurruntasuna mantendu». Erakundeen «sustapena, inplikazioa eta konplizitatea» eskatu zituzten berriro: «Iruditzen zait funtsezkoa dela bertako administrazioen inplikazioa».

Inbertsioen garrantzia. Inbertsioak ere ezinbestekotzat zituzten. Edukiak egokitzeko beharko dituzte. «Alor teknologikoan sekulako aldaketak datoz. Eskatzen dituzte teknologia mailako inbertsio batzuk, eta baliabideak behar dira». Baita eduki horiek plataforma eta euskarri desberdinen bidez hedatzeko ere.

Zupiriak, hiru proposamen. Bingen Zupiria Eusko Jaurlaritzako Kultura eta Hizkuntza Politikako sailburuak onartu zuen egungo egoerak «panorama zaila» planteatzen duela: «Irakurleak galtzen dituen sisteman gaude; kontsumo digitalak nagusitu dira; informazioa gero eta gehiago sakelakoen bidez jasotzen dugu —gainera, jaso egiten dugu; ez dugu guk bilatzen—; askok ez dute gaitasunik euskaraz irakurtzeko, alfabetatu gabe daudelako; eta gazte gehienek ihes egiten diote euskarri tradizionaletan sortzen eta hedatzen den edukiari».

Hiru proposamen ere egin zituen. Batetik, programa bat sortzea, Europako aukera eta laguntza berriak identifikatzeko eta aztertzeko. Azaldu zuenez, «aholkularitza pertsonalizatua» izan liteke. Bestetik, formakuntza, «eraldaketen aurrean zein aukera dauden eta teknologiaren erabileraren ikuspuntutik elkarrekin zer egin dezaketen asmatzeko». Azkenik, egitasmo pilotuak sustatzea planteatu zuen, «ikusteko nola sor daitekeen hedabideen sistema osoarentzat erreferentzia izan daitekeen proiekturen bat».

Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Azken 3 egunetako irakurrienak

 

 

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Bizkaiko Diputazioak zerga neurri guztiak onartzea espero du, sozialistekin edo «beste alderdiren batekin»

Asteko albiste garrantzitsuenen buletina jaso nahi?

Buletina barikuetan bidaltzen da, eta Lea-Artibai eta Mutrikuko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-684 44 36
  • lea-artibai@hitza.eus
  • Arretxinaga etorbidea, 1 - 48270 Markina-Xemein
  • Publizitatea
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.