Ondarroa da Bizkai osoan intzidentzia tasarik altuena daukan herria
Astebetean okerrera egin du Lea-Artibai eta Mutrikuko egoera epidemiologikoak. Ondarroa gune horian egotetik gune laranjan egotera pasatu da, eta Markina-Xemein 0 tasa edukitzetik gune horian egotera pasatu da. Joan den aste osoan 31 positibo erregistratu zituzten, duela bi aste baino 21 positibo gehiago. Erdiak baino gehiago Ondarroan erregistratu dituzte.
Ondarroak 233,45ko tasa zeukan duela astebete, eta gaur [urriak 18] 315,16ko tasa dauka; gune horian egotetik gune laranjan egotera pasatu da. Markina-Xemeingo egoerak ere okerrera egin du; astebetean, 0 tasa edukitzetik 79,60koa edukitzera pasatu da (gune berdean egotetik gune horian egotera pasatu da). Mutrikun ere positiboak erregistratu zituzten joan den astean, baina herriak gune horian egoten jarraitzen du.
Bizkaian intzidentzia tasarik altuena daukan herria da Ondarroa; Gipuzkoan Urnieta da intzidentzia altuena daukan herria (434,85), eta Araban Agurain (336,26).
Joan den aste osoan [urriaren 11tik 17ra] 31 positibo erregistratu zituzten Lea-Artibai eta Mutrikun, duela bi aste baino 21 kasu gehiago. Kasu gehienak Ondarroan erregistratzen jarraitzen dute (20), eta atzetik datoz Mutriku (7) eta Markina-Xemein (4). Gainerako herrietan ez dute positiborik erregistratu.
Datuak, astelehenetan. Osasun larrialdia amaitutzat eman eta gero, Osasun Sailak astelehenero ematen ditu egoera epidemiologikoari buruzko datuak, eta ez egunero.
Lurraldeak. Arabak 43,03ko tasa dauka, Bizkaiak 60,92koa eta Gipuzkoak 73,15ekoa. Bizkaiko eta Gipuzkoako tasak ere igo egin dira.
Herriz herriko intzidentzia tasak (urriaren 18an eguneratuta):
- Amoroto: 0
- Aulesti: 0 (dudela aste bat 149,70ko tasa zeukan)
- Berriatua: 0 (duela aste bat 79,55ko tasa zeukan)
- Etxebarria: 0 (duela aste bat 134,23ko tasa zeukan)
- Gizaburuaga: 0
- Ispaster: 0
- Lekeitio: 13,84 (14 puntu jaitsi da)
- Markina-Xemein: 79,60 (duela aste bat 0 tasa zeukan)
- Mendexa: 0
- Munitibar: 0
- Mutriku: 169,36 (38 puntu igo da)
- Ondarroa: 315,16 (82 puntu igo da)
- Ziortza-Bolibar: 0
Lea-Artibai eta Mutrikuko bilakaera, 2020ko azarotik:
