Jon Egia eta Miren Mentxaka saritu dituzte Lea Ibarreko egutegi lehiaketan
Egiak aurkeztutako 'Goizeko lurruna' argazkiak epaimahaiaren saria jaso du, eta Mentxakaren 'Egunsentia' irudiak ikusleen saria.
Antolatzaileek esan dute aurtengo lehiaketan hamalau herritarrek parte hartu dutela, eta horiek 42 argazki aurkeztu dituztela. Horien guztien artean, epaimahaiak Jon Egiaren Goizeko lurruna argazkia saritzea erabaki du. Bestetik, Miren Mentxakaren Egunsentia argazkiak ikusleen saria jaso du. Irabazle izendatuta, bi herritarrek 250 euro irabazi dituzte.
Lea Ibarreko Mankomunazgoko ordezkariek aurreratu dutenez, 2022ko egutegia ez da orain artekoa modukoa izango: “Egutegiaren formatua aldatu egin dugu eta hilabeteko argazki desberdin bat egongo da ikusgai”. Beraz, Egiaren eta Mentxakaren argazkiekin batera, egutegiak beste hamar irudi ere jasoko ditu. “Irudi guztiak egileen sinaduragaz argitaratuko dira”.
Jon Egiaren ‘Goizeko lurruna’ argazkia. Argazkia: Jon Egia
Miren Mentxakaren ‘Egunsentia’ argazkia. Argazkia: Miren Mentxaka.
