Gune gorrian daude Mutriku eta Lea-Artibaiko sei herri
150eko intzidentzia tasa gainditzen duten herri guztiak gune gorrian sartzea erabaki du Jaurlaritzak. Azken hiru egunetan 39 positibo erregistratu dituzte Lea-Artibai eta Mutrikun; kasu gehien Berriatuan erregistratu dituzte (13). Bizkaia eta Gipuzkoa ere gune gorrian daude.
Jaurlaritzak semaforo sistemaren balioak aldatu eta gero, ondokoak dira HITZAren eremuan gune gorrian dauden herriak: Berriatua, Etxebarria, Lekeitio, Markina-Xemein, Mendexa, Mutriku eta Ondarroa. Azken hiru egunetan 39 positibo erregistratu dituzte: 13 Berriatuan, 9 Markina-Xemeinen, 9 Mutrikun, 7 Ondarroan eta 1 Mendexan. Azpimarratzekoa da azken hiru egunetan Berriatuko intzidentzia tasak eduki duen gorakada: 1.034 puntu igo da.
Aipatzekoa da Mendexaren egoera: 5.000 biztanle baino gutxiago dituenez, martitzenean [azaroak 16] erregistratu zuten positiboarengatik 0 tasa edukitzetik 211,86 edukitzera pasatu da, eta gune gorrian dago.
Lurraldeak. Arabak 132,64ko tasa dauka (astelehenean baino 33 puntu altuagoa), Bizkaiak 151,17koa (30 puntu altuagoa) eta Gipuzkoak 396koa (88 puntu altuagoa); Bizkaia eta Gipuzkoa gune gorrian daude, eta Araba laranjan. Araban 12 herri daude gune gorrian (51 herri daude lurraldean), Bizkaian 41 (112 herri daude lurraldean) eta Gipuzkoan 66 (88 herri daude lurraldean).
Herriz herriko intzidentzia tasak (azaroaren 18an eguneratuta):
- Amoroto: 0
- Aulesti: 0
- Berriatua: 1.909,31 (hiru egunetan 1.034 puntu igo da)
- Etxebarria: 268,46
- Gizaburuaga: 0
- Ispaster: 0
- Lekeitio: 166,04
- Markina-Xemein: 258,71 (hiru egunetan 199 puntu igo da)
- Mendexa: 211,86 (astelehenean 0 tasa zeukan)
- Munitibar: 0
- Mutriku: 338,73 (hiru egunetan 169 puntu igo da)
- Ondarroa: 221,78 (hiru egunetan 81 puntu igo da)
- Ziortza-Bolibar: 0
Lea-Artibai eta Mutrikuko bilakaera, 2020ko azarotik:
