Santa Zezilik musikaz jantziko ditu herrietako kaleak
Herri batzuetan asteburuan hasiko dira ekitaldiak. Kontzertuak, eta kantujirak prestatu dituzte musikari gazte eta nagusiek.
Santa Zezili Eguna astelehenean bada ere, gaur bertan hasiko dira ekitaldiak. Lekeitio, Markina-Xemein eta Mutrikuko Musika Eskoletako ikasleek euren lana plazaratuko dute. Kalejiran irtengo dira batzuk eta emanaldi txikiak eskainiko dituzte besteek. Ondarroako Musika Eskolakoek, berriz, bertan egunean eskainiko dituzte kontzertuak, eta azaroaren 25erako utzi dute Zertzelada Musikala ikuskizuna eta kalejira Berriatuan.
Urteroko ohiturara itzulita, aurten berriro kontzertu berezia eskainiko dute Lekeitioko Musika Bandak eta Mutrikuko Musika Bandak. Errepertorio bereziak prestatu dituzte zapaturako [azaroak 20]. Bandetako kideak bezala, abesbatzetakoak ere kantuagaz alaituko dituzte datozen egunak. Emanaldi txiki bat prestatu dute Markina-Xemeingo Xemein Gazte Ahots Abesbatzak eta Xemein Abesbatzak, eta Emeki Koralak kanta herrikoiak abestuko ditu kalerik kale. Ondarroako Andra Mari Eliza musikaz jantziko dute, berriz, Kantaize Abesbatzak eta Unanue Kamara Koralak txistulari taldeagaz lagunduta.
EGITARAUA:
- Azaroak 19, barikua:
- Lekeitio: 17:00etatik 18:00etara, Musikaia musika eskolako txistu, trikitilari eta pandero jotzaileen kalejira, Musika Eskolatik Eskolaperaino.
- Markina-Xemein: 18:00etan, Arretxinagan, Zertzelada musikala Tarinek antolatuta.
- Mutriku: 16:30ean, Musika Eskolakoen kontzertua, Musika Eskolako sarreran. Jarraian, iaz 2. maila gainditu zutenei diploma banaketa. Merienda eta jolas tradizionalak, Musika Eskola aurreko plazan. 18:30ean, Banda Txiki eta Musika Eskolako txistularien eta trikitalarien kalejira, Goiko Plazatik hasita.
- Azaroak 20, zapatua
- Lekeitio: 12:30ean, Nautika aurrean, Lekitto Musika Bandaren Santa Zezilia kontzertua Urtzi Iriondoren zuzendaritzapean.
- Markina-Xemein: 19:30ean, Xemein Gazte Ahots Abesbatza eta Xemein Abesbatzaren kontzertua, Kontzekupean.
- Mutriku: 13:00etan, Mutrikuko Musika Bandaren Santa Zezilia eguneko kontzertu berezia, Zabiel Plazan, Josean Pascualen zuzendaritzapean. Eguraldi txarra balego, Zabiel kultur etxean.
- Ondarroa: Eguerdian, Ondarroako Txistulari Taldearen kalejira. 20:00etan, kontzertua, Andra Mari Elizan: Ondarroako Txistulari Taldea, Kantaize Abesbatza eta Unanue Kamara Korala.
- Azaroak 21, domeka
- Markina-Xemein: 11:30ean, Emeki Koralaren kantaldia San Roken. 13:00etan, kalejira.
- Azaroak 22, astelehena
- Ondarroa: 17:30ean, Musika Eskolako Musikalean (6-7 urtekoak), Plazagainean. 19:15ean, Musika Eskolako saxofoi jotzaileak, Likona dorretxean. 19:30ean, Orkestra, Antiguako Amako arkupean.
- Azaroak 23, martitzena
- Ondarroa: 1800etan, Unanue Musika Eskolako txistulariak, Likona Dorretxean.
- Azaroak 25, eguena
- Berriatua: 17:30ean, udaletxe aurrean, Zertzelada Musikala ikuskizuna eta kalejira.
- Azaroak 26, barikua
- Ondarroa: 16:30ean, trikitixa eta akordeoi jotzaileen kalejira.
- Abenduak 1, eguaztena
- Ondarroa: 18:30ean, Musika Eskolako abesbatza eta banda, Latxanbre enparantzan.
