Iñigo Andonegi argazki lehiaketako lanak ikusgai jarri dituzte Mutrikun
Erakusketa domekara arte [abenduak 12] egongo da ikusgai. Herritarrek botoa eman ahalko dute; boto gehien jasotzen dituen argazkiak Herritarren Saria irabaziko du.
Mutrikuko Udalak Iñigo Andonegi argazki lehiaketara aurkeztutako lanak ikusgai jarri ditu Zabiel kultur etxean. Erakusketa barikuan [abenduak 3] zabaldu zuten, eta domekara [abenduak 12] arte egongo da ikusgai. Herritarrek botoa emateko aukera daukate; boto gehien jasotzen duen argazkiak Herritarren Saria irabaziko du.
Hain zuzen, lehiaketara aurkeztutako lanek Mutrikuko Udalaren 2022ko egutegia osatuko dute. Eta Herritarren Saria lortzen duen argazkia egutegiaren azalean inprimatu eta Bertan elkarteko dendetan gastatzeko 80 euroko erosketa bonua emango diote egileari; beste 12 argazki irabazleek 80 euro esku dirutan jasoko dute.
Erakusketaren ordutegia: abenduaren 4tik 8ra 12:00etatik 14:00etara, abenduak 9-10 17:00etatik 19:00etara eta abenduak 11-12 12:00etatik 14:00etara.
