Azken hiru egunetan 61 positibo erregistratu dituzte Lea-Artibai eta Mutrikun
Astelehenetik eguaztenera [abenduaren 6tik 8ra] ondoko herrietan erregistratu dituzte positiboak: 20 Ondarroan, 17 Mutrikun, 6 Markina-Xemeinen, 6 Amoroton, 5 Ispasterren, 4 Lekeition, 2 Berriatuan eta 1 Mendexan.
HITZAren eremuan dauden 5.000 biztanletik gorako herrien artean, batez ere Mutrikuko egoerak egin du okerrera; hiru egunetan 170 puntu igo da intzidentzia tasa. Lekeitioko intzidentzia tasa ere igo egin da, baina igoera Mutrikukoa baino baxuagoa izan da. Ondarroako eta Markina-Xemeingo tasak jaitsi egin dira, nahiz eta azken egunetan positiboak erregistratu dituzten.
5.000 biztanle baino gutxiago dituzten herrien artean, Amorotoko eta Ispasterko tasak dira gorakada nabarmena eduki dutenak, azken hiru egunetan bi herrien artean 8 positibo erregistratu dituztelako.
Lurraldeak. Arabak 807,67ko tasa dauka (100 puntu igo da), Bizkaiak 488,23koa (56 puntu igo da) eta Gipuzkoak 1.244,90ekoa (67 puntu igo da). Araban 41 herri daude gune gorrian (astelehenean baino 6 herri gehiago) (51 herri daude lurraldean), Bizkaian 98 (+1) (112 herri daude lurraldean) eta Gipuzkoan 81 (=) (88 herri daude lurraldean).
Herriz herriko intzidentzia tasak (abenduaren 9an eguneratuta):
- Amoroto: 1.686,75 (1.446 puntu igo da)
- Aulesti: 299,40 (150 puntu jaitsi da)
- Berriatua: 2.784,41 (557 puntu jaitsi da)
- Etxebarria: 134,23
- Gizaburuaga: 0
- Ispaster: 1.209,68 (537 puntu igo da)
- Lekeitio: 290,58 (28 puntu igo da)
- Markina-Xemein: 756,22 (22 puntu jaitsi da)
- Mendexa: 423,73
- Munitibar: 218,34 (218 puntu jaitsi da)
- Mutriku: 1.242 (170 puntu igo da)
- Ondarroa: 1.961,01 (11 puntu jaitsi da)
- Ziortza-Bolibar: 0
Joan den aste osoan [azaroaren 29tik abenduaren 5era] 177 positibo erregistratu zituzten Lea-Artibai eta Mutrikun, duela bi aste baino 14 gehiago: 85 Ondarroan, 26 Mutrikun, 25 Markina-Xemeinen, 22 Berriatuan, 12 Lekeition, 4 Ispasterren eta bana Amoroton, Mendexan eta Munitibarren.
Lea-Artibai eta Mutrikuko bilakaera, 2020ko azarotik:
