Markina-Xemeinen Olentzero eta Mari Domingi ikusteko txanda hartu beharko
Abenduaren 24an 30 minutuko zortzi txanda egongo dira, 15:30etik 19:30era bitartean. Txartelak herriko merkatarien elkartean eskuratu ahalko dira, abenduaren 17an, 18an eta 20an.
Olentzero eta Mari Domingiren etorrerak eragiten dituen jende pilaketak saihesteko, txandakako sistema jarriko du martxan Markina-Xemeingo Guraso Elkarteak. Horrela, abenduaren 24an, 30 minutuko zortzi txanda egongo dira, 15:30etik 19:30era bitartean, frontoi txikian egongo diren Olentzero eta Mari Domingi ikusteko.
Txanda horietarako ordua, aldez aurretik hartu behar da. Horretarako, ume bakoitzak txartel bat jaso beharko du herriko merkatarien elkartean (Artibai kalea, 4). Txartel horiek abenduaren 17tik 20ra egongo dira eskura merkatarien lokalean, ondorengo ordutegian:
- Abenduaren 17an, 17:00etatik 19:00etara.
- Abenduaren 18an, 11:00etatik 13:00etara.
- Abenduaren 20an, 17:00etatik 19:00etara.
Soberan geratuko balira, abenduaren 21etik aurrera udaletxeko harreran jaso ahalko lirateke.
Pilaketak saihesteko neurri berezi hau hartuko bada ere, 6 urtetik gorakoek maska derrigorrez jantzita eduki beharko dutela gogorarazi dute Guraso Elkartekoek. Horrez gain, ekintzaren eremuan ezin izango da ez jan ez edan.
