Ekintzaz beteta dator 25. Berdel Eguna
Apirilaren 2an ospatuko da aurtengo Berdel Eguna. Mutrikuko Udalak jakinarazi du boluntarioak behar dituztela.
Apirilaren 2an ospatuko den 25. Berdel Eguneko egitarau osatua kaleratu du Mutrikuko Udalak. Zapatuko egitarauaz gain, gastronomia eta itsaroarekin lotutako aste osoko ekimenekin osatuko dute Mutrikuko herriaren jai berezienetako bat.
Gainera, Udaletik jakinarazi dutenez, boluntarioak behar dira eginkizunetan esku bat botatzeko, goizean muntaketa egiteko, arratsaldean desmuntatzeko edota beste edozein eginbeharretan laguntzeko. Hortaz, animatzen direnei Turismo Bulegoarekin kontaktuan jartzeko eskatu diote, 943-60 33 78 zenbakira deituta edo 628 40 68 13 whatsAppera mezu bat bidalita.
EGITARAUA
Martxoaren 25etik apirilaren 3a arte. Berdel Egunaren argazki erakusketa.
- Astelehenetik eguenera, 18:00etatik 20:00etara.
- Zapatua, 12:00etatik 14:00etara / 18:00etatik 20:00etara.
- Domeka, 12:00etatik 14:00etara.
Martxoak 26, zapatua.
- 12:00. Berdel errea. Beheko plazan, Mutrikuko Arraun Taldearen eskutik.
Martxoak 28, astelehena.
- 18:30. Itsasoiko, Itsasotik Sasoikoa dokumentalaren emanaldia eta Euskal herriko arrainen gidaren aurkezpena, Zabiel kultur etxean, Ondarroa 12 Milia eta Bizilur elkartearen eskutik.
Martxoak 29, martitzena.
- 18:30. Errelebo generazionala baxurako arrantzan, mahai ingurua, Zabiel kultur etxean.
Martxoak 30, eguaztena.
- 18:30. Berdel eta txakoli maridaje eguna. Arku Gain Elkartean. Kofradia- Itsas Etxeak lagunduta. Dastaketan izen ematea 5 euro izango dira, turismo@mutriku.net edo 943-60 33 78
Martxoak 31, eguena.
- 19:00etatik aurrera. Berdel pintxopotea, herriko taberna batzuetan.
Apirilak 1, barikua.
- 19:00etatik aurrera. Berdel pintxopotea, herriko taberna batzuetan.
- 22:00. III. Berdel Txapelketaren finala, Miruaitz frontoian. Danok Baten eskutik.
Apirilak 2, zapatua: 25. Berdel Eguna
- 10:00-14:00. Izan arrantzale. Portuan (Astilero moila) haurrentzako arrantza tailerrak, Kofradia- Itsas Etxearen eskutik.
- 10:30-15:00. Artisau eta Sortzaileen azoka, Txurruka Plaza. Eixu artisau elkartearen eskutik.
- 10:00. Mutrikuko XV. Belauntzien arteko Txapelketa. Kalatxori bela elkartearen eskutik.
- 11:00. GRABNI Banakako Txapelketa, Gipuzkoa-Bizkaia.
- 11:00. Merkatu txikia, portuan. Mutrikuko ekoizle eta eskualdeko gaztagileekin.
- 12:00. Herriko abesbatzen kontzertua, Zabiel Plazan.
- 13:00. Berdel pintxo dastaketa herrikoia, portuan.
- 13:00. Trikitilariak herriko kaleetan zehar.
- 16:00. GRABNI Binakako Txapelketa, Gipuzkoa-Bizkaia. Euskadiko Pilota Federazioaren eskutik.
- 18:00. Kontzertuak portuan, Errietan eta Gozategi.
