Berdel Txapelketako finalak jokoan
Barikuan [apirilak 1] lehiatuko dira lehenengo eta bigarren mailako finalak, 22:00etan, Miruaitzen.
Danok Bat pilotazale elkarteak antolatzen duen III. Mutrikuko zesta-puntako Berdel Txapelketa partida azken txanpan sartuta dago. Barikuan lehiatuko dira azken partidak.
Pasaden astean jokatu ziren hirugarren eta laugarren postuak erabakitzeko partidak, finaleko atean geratu ziren bikoteen artean. Berdel bezperan amaiera emango diote lehiaketari, eta bi mailatan jokatuko dituzte finaleko partidak. Alde batetik, bigarren mailan, Gonzalo-Ureta, Unax V- Ortziren aurka lehiatuko dira, eta lehen mailan, berriz, Antxo-Zugaitz, Eñaut eta Uranga egongo dira nor baino nor.
Ibilbide aparta izan duen lehiaketaren amaiera gozatzeko gonbidapena luzatu dute, 22:00etan izango diren partida erabakigarri horiek ikusteko, hain zuzen ere, Mutrikuko Miruaitz frontoian.
