Euskal Jaiak dantza giroz bete du Markina-Xemein
Euria egin duenez, frontoi txikira mugatu da batez ere dantzaldia. Dantza ezberdinak eskaini dituzte Markina-Xemeingo Zerutxu eta Arrasateko Lore Gazteak dantza taldeek.
Markina-Xemeingo Zerutxu Dantza taldeak eta Arrasateko Lore Gazteak alaitasunez bete dute gaur [apirilak 2] Markina-Xemein. Lehen aldiz ospatu da Euskal Jaia herrian, eta eguraldia lagun izan ez den arren, bi dantza taldeek ikuskizun ederra eskaini dute.
Ahalegina egin dute dantza taldeek jai giroa herri osora zabaltzeko. Horrela, kalejira labur bat ere egin dute Zelai aurretik igaro eta Zehar kalea eta Guen kalea kaleetan zehar dantzan, baina euriagatik, ikuskizuna frontoi txikian izan da batez ere.
Talde bakoitzak dantza batzuk egin ditu. Zerutxuk Lanestosako arku dantza, Sardinerak eta Luzaideko dantzak dantzatu ditu; Lore Gaztak dantza taldeak, berriz, Kaskarotz, Otsagiko pañuelo, Korteseko trenzado eta Tuterako jota. Larrain dantzagaz amaitu dute ikuskizuna, herritarrak ere dantzara gonbidatuz.
