Mutrikuko liburutegiak zozketa bat antolatu du
Mutrikuko liburutegiak zozketa bat antolatu du, apirilean liburuak maileguan eramaten dituzten erabiltzaileen artean.
Apirilaren amaieran Liburu Astea ospatuko dute Mutrikuko liburutegian, eta, besteak beste, zozketa bat antolatu dute. Zozketan parte hartzeko, erabiltzaileek libururen bat maileguan hartu beharko dute apirilaren 1etik 28ra bitartean.
Zozketa adin tarteen arabera antolatu dute, hau da, 0-6 urte dituztenen artean liburu sorta bat zozkatuko da, 7-12 urte dituztenen artean, beste liburu sorta bat, 13-25 urte dituztenen artean tablet bat, eta 26 urtetik aurrera dituztenen artean eBook bat.
Zozketa apirilaren 29an izango da, hortaz, hilabete osoa egongo da liburuak maileguan hartu eta zozketan parte hartzeko.
