Mendi irteera maiatzaren 8an Aizkorriko inguruetara
Mutrikuko Burumendi Mendizale Elkarteak mendi irteera antolatu du maiatzaren 8an [domeka], Otzaurte (652 metro)- Aratz (1432 metro)- Araia (612 metro) mendien arteko ibilbidea osatuko duena.
14,9 kilometroko ibilbidea izango da, eta bost ordutan egiteko modukoa dela aurreikusi dute antolatzaileek. Gainera ibilbideak 1015 metroko desnibela duen arren, zailtasun ertaineko ibilbidea dela jakinarazi dute.
Irteeran parte hartzeko eguena [maiatzak 5 ] da izena emateko azken eguna. Izen ematea Aparra jantzi dendan egin daiteke eta baita Burumendi taldearen webgunearen bitartez. Irteeraren prezioa 12 eurokoa izango da bazkideentzat, eta 15 eurokoa gainerakoentzako.
Autobus zerbitzua egongo da irteerara joateko. Debatik abiatuko da 7:30ean, eta autobusak lehen geldialdia Mutrikun egingo du; 07:35ean Txanbolingo biribilgunean jarri dute hitzordua. Ondarroan 07:45ean egingo du geldiadia, Astilleruko geltokian. 08:00etan ailegatuko da autobusa Markina-Xemeingo autobus geltokira.
