Rock konbo kontzertua eskainiko dute Lekeition
Zapatuan [maiatzak 14] izango da kontzertua Eskolapean. Elgoibarko eta Lekeitioko musika eskoletako ikasleek parte hartuko dute.
2019ko Musikaiako Rock Konboen kontzertua. Argazkia: Musikaia musika eskola Rock doinuez beteko da Lekeitioko Eskolapea zapatuan [maiatzak 14]. Bertan elkartuko dira herriko Musikaia Musika eskolako eta Elgoibarko Inazio Berziartua musika eskolako rock konboak emanaldi berezi bat eskaintzeko.
12:30ean hasiko den kontzertuan Elgoibarko bi konbok eta Lekeitioko batek parte hartuko dute, eta bakoitzak hiru kanta joko ditu. Ondorengoak izango dira abestiak:
- Musikaia Musika Eskolako rock konboa:
1-Starlight – Living on a Prayer (Muse-Bon Jovi)
2-My favourite game (The Cardigans)
3-We’re not gonna take it (Twisted Sister) - Elgoibarko Musika Eskola rock konboek:
1-Watermelon man (herbie hancock)
2-Cissy strut( the Meters)
3-Crossroads Blues(Robert Johnson)
Horrelako ekitaldia egiten den lehenengo urtea da, eta Musikaiako arduradunek azaldu dutenez ez da izango azkenengoa, izan ere, elkartruke bat egitea dute helburu, eta hurrengo kontzertua Elgoibarren ematea dute asmoa.
Lekeitioko konboentzako “pandemia osteko lehenengo kontzertua” izango dela azaldu dute Musikaiako arduradunek, eta “ilusio handiagaz” daudela. Beraz, herritarrak kontzertura joatera animatu dituzte.
