Azeri buztanaren ura egiten ikasi dute Lekeitioko Usotegin egindako tailerrean
Tailerra oso arrakastatsua izan dela adierazi dute antolatzaileek. Aurreratu dutenez, datorren eguenean [ekainak 9] beste gai bati buruzko beste tailer bat antolatuko dute.
Azeri buztanaren tailerreko parte hartzaileak. Argazkia: Lekitto Bedarra Azeri buztanaren ura oso ona da landareak indartzeko eta gaitzei aurre egiteko, eta ur hori zelan egin ikasi zuten atzo [ekainak 2] Lekitto Bedarra elkarteak antolatutako tailerrean parte hartu zutenek. Tailerra oso arrakastatsua izan zela adierazi dute antolatzaileek: “Hogei lagunek parte hartu zuten, eta alde teorikoa esplikatu ondoren, prozesu guztia egin genuen”.
Azeri Buztanaren tailerreko parte hartzaileak Usotegin. Argazkia: Lekitto Bedarra
Eguzkitik babestuta kokapen ezin hobean gauzatu zuten ikastaroa; Usotegi parkeko zipres arbolen azpian. Alde praktikoa landu ahal izateko, goizean, Azeri Buztanaren zukua prestatu zuten, eta hori erabili zuten ortuan egin beharrekoa azaltzeko adibide modura.”Tomate landareak zelan tratatu gaixoak ekiditeko, sakonki erakutsi da”.
Zukua egiten. Argazkia: Lekitto Bedarra
Soberan geratu zen zukua, tailerreko parte hartzaileen artean banatu zuten amaieran. “Balorazio inkesta bete dutenek, oso ondo baloratu dute tailerraren dinamika”. Aurreratu dutenez, datorren eguenean [ekainak 9] beste tailer bat antolatuko dute beste gai bati buruz.
Alde teorikoa ematen, Usotegiko zipresaren azpian. Argazkia: Lekitto Bedarra
