Atzerrian hizkuntzak ikasteko Cikamintza bekak
Cikautxok eskaintzen dituen heziketa bekara aurkezteko azken eguna ekainaren 30a izango da.
Cikautxo S.Coop-ek Cikamintza heziketarako bekak eskaintzen ditu urtero, udan atzerrian hizkuntzak ikastera doazen gazteei zuzendutako bekak ingelesa,frantsesa edo alemana ikasteko gogoa duten, eta kanpora joan nahi duten gazteei aukera hori erraztera zuzendutako laguntzak dira.
1.500 euroko diru laguntza eskaintzen da gehienez pertsonako, eta bete beharreko baldintza honakoak dira: Lea-Artibaikoa izatea, 2005etik 2008ra bitartean jaiotakoa izatea eta euskara menperatzea. Beka kopurua baino eskaera gehiago egonez gero, zozketa bidez erabakiko da.
Beken ordainketa bi zatitan egingo da, lehenengo 1.000 euroko ordainketa, justifikazioa jasotzean emango da, eta 500 euroko bigarren ordainketa bidaia egin ostean, ikasteka zentroaren agiria aurkeztean.
Eskaera burutu nahi dutenek cikamintza@cikautxo.com helbidera bidali behar dute ondorengo dokumentazioa; NAN-a eskaneatuta, Lea-Artibain hiru urtez erroldatuta dagoela bermatzen duen udaletxeko agiria, eta euskara menperatzen duela adierazten duen ziurtagiria.
