Euskaraz harro abesteko aukera bikaina, Munitibarren
Euskal Karaokea egingo dute, barikuan, Munitibarko herriko plazan, 20:30etatik aurrera.
Etzi, 20:30etatik aurrera, Munitibarko herriko plazan Euskal Karaokea egingo dute. Euskeraz be ondo gabiz! lelopean, Munitibarko Udaleko Euskara Batzordeak antolatutako egitasmoa da euskarazko karaokea, herrian kultura eta euskara bultzatze aldera. Parte hartzaileek zerrenda zabal batetik aukeratu ahal izango dute abestu gura duten kantua. Horrez gain, behin karaokea amaituta, bertaratzen diren guztiek mokadu bat jateko aukeram bikaina izango dute: sagardoa eta pintxoak dastatu ahal izango dira. Munitibarko Udalak, horrenbestez, deialdia luzatu die herritar guztiei ekimen horretan parte hartzera anima daitezen.