Markina-Xemeingo Karmen jaietako herri bazkarian izena emateko epea zabaldu dute
Era berean, bazkaldu osteko Herritxouan eman daiteke izena.
Gero eta gutxiago falta da Markina-Xemeingo Karmen jaietarako, aurten gainera erabateko normaltasunagaz. Herri bazkaria da zalantzarik gabe egitarauko ekintza nagusietako bat eta aurten uztailaren 17an ospatuko da 14:00etan, Zelaian. Izena emateko epea zabalik dago atzotik [ekainak 23] aurrera eta uztailaren 1a arte.
Jakinarazi dutenez, toki mugatuak daude eta guztientzako lekua egon dadin eta tokiak aprobetxatu daitezen, parte hartzaile kopuru erreala ematea eskatu dute antolatzaileek. Bakoitzak bi euro ordaindu beharko ditu eta txartelagaz ordaindu behar da. Izena emateko lekua udaletxeko Berton bulegoa da, astelehenetik barikura arte 08:15etik 14:30era.
Bazkaldu ostean, urtero legez, Herritxoua egongo da eta izena eman nahi dutenek ere udaletxean egin beharko dute. Hemen Be Bai merkatari elkarteak hainbat bono banatuko ditu Herritxouan parte hartzen dutenen artean.
