Olazarrek irabazi du Amalloko dema
Sanjoanak ospatzen ari dira Amallon. Atzoko su eta txapliguen ondoren, egun nagusiko ekimenekin gozatu dute gaur [ekainak 24] jaietara gerturatu direnek.
Argazkia: Amalloko jai batzordea Espero baino eguraldi hobeagoa eduki dute gaur [ekainak 24] Amallon, eta beraz, giro ederrean ospatu dute San Joan Eguna. Mezaren ostean aritu dira zein baino zein gehiago Aitor Etxaniz Olazar eta Aldeko idia. Harriari tiraka 52 metro egin ditu Olazarrek eta 44 metro eta hiru laurden idiak. Beraz, Olazarrek irabazi du goizeko dema.
Bazkarian elkartu dira amallotarrak eguerdian, eta batzuk bazkalostea jokoan igaro duten bitartean, ume eta gaztetxoek Eneko Arrate eta Aissa Intxaustiren Alpistegia bertso antzerkiagaz gozatu dute. Eguraldi onak lagunduta, asko izan dira Amalloko jaietara gerturatu diren ume eta nagusiak.
Bihar arratsaldean jarraituko du jaiak. Zaldi probak eta Hiru Txirlo txapelketa jokatuko dira, eta afaria egongo da ondoren. HEMEN EGITARAUA.
[Argazkiak: Amalloko Jai Batzordea]
