Berriatuan eta Mendexan ere garbigune mugikorra izango dute
Atzo [ekainak 28] jarri zituzten edukiontziak eta uztaileran 12ra arte egongo dira erabilgarri.
Garbigune mugikorra Berriatuan. Argazkia: Berriatuko Udala Birziklapenaren kontzeptua Bizkaiko herritarrentzat errazagoa eta hurbilagoa egiteko asmoz, garbigune mugikorrak jartzen ari dira herrietan, eta horietako batzuk Berriatuko plazan, frontoiaren ondoan, eta Mendexako Zelaia Auzoan, udaletxearen atzean, egongo dira uztailaren 12ra arte. Asmoa da ohiko garbiguneetara joateko aukera emateaz gain, herri barruan bertan ere egin ahal izatea.
Horrela, garbigune mugikor horretara etxeetan sortutako hondakinak eraman ahal dira. Hain zuzen ere, elektrotresna txikiak, sukaldeko tresnak, etxeko olioa, sakeleko telefonoak, kableak, pinturak eta disolbatzaileak, aerosolak, kutsatutako xurgatzaileak, tonerrak, tintazko kartutxoak, metalezko kapsulak, plastikozko kapsulak, pilak, CD, dvd eta kasseteak eta erradiografiak.
Lea-Artibaiko beste herri batzuetan ere eduki dute Garbikerrek ematen duen zerbitzua. Garbigune ibiltaria bi astez egon da udalerri bakoitzean.
