Mutrikuko EH Bilduk herri batzarra deitu du urriaren 18rako
Unai Urruzuno EH Bilduren mahai politikoko bozeramaileak kokapen politikoaz hitz egingo du eta Joseba Palenzuela Mutrikuko alkatea portuaren gaiaz ariko da.
Martitzenean [urriak 18] 18:30ean egingo da EH Bilduren herri batzarra, Zabiel kultur etxeko ganbaran. Unai Urruzuno EH Bilduren mahai politikoko bozeramaileak kokapen politikoari buruz hitz egingo du, gaur egungo egoeraren berri eman eta gai nagusiei buruzko hausnarketa eginez.
Ondoren, Joseba Palenzuela Mutrikuko alkateak azken egunetan talde desberdinekin izandako bileren berri emango du. Mutrikuko Portuko Plan Berezi berriaz eta babes dikearen luzapenaren inguruan Danborzaleak herri plataformak eginiko herri galdeketaren eskaeraz ariko da, eta arlo bietarako proposamenak aurkeztuko ditu.