Baldintzak zehaztuta. Apustuaren baldintza nagusiak eztabaidatzeko orduan gorabeherak sortu direla zehaztu dute, batik bat, zein enbor moztuko duten erabakitzearen gakoaren inguruan. Hala ere, bi aizkolarien borondatea nagusiturik, baldintzak hitzartu eta apustua itxi dute.
Martxoaren 26an burutuko da lehia, Azpeitiko zezen plazan. Baldintzak zehaztu dituzte. 20 kanaerdiko moztu beharko ditu Mugertzak, eta bat gehiago bere aurkariak.
Iturria: Mailo Oiarzabal Ugaitz Mugertza mutrikuarrak eta Eneko Otaño beizamarrak desafioa lotu zuten barikuan [abenduak 9], Azpeitiko Mendizabal erretegian. 20 kanaerdiko moztu beharko ditu Mugertzak, eta bat gehiago, 21, bere aurkariak.
Azpeitiko zezen plazak jasoko du aizkora apustuaren ekimena, hain zuzen ere, martxoaren 26an, 12:30ean. Aizkolari bakoitzak bere egurrak eramango ditu plazara, eta Mugertzak erabakiko du Otañok eraman eta jarritako sei enborretatik zein ez duen moztuko. Behin egurrak plazan jarrita daudela eta zozketaren aurretik aukeratu beharko du mutrikuarrak.
Apustua burutuko den seinale 2.000 euroko jarri ditu alderdi baikotzak, eta apustu eguna baino 72 ordu lehenago, berriz, 3.000 euro gehiago jarriko dituzte. Hortaz, 5.000 euro egongo dira jokoan.
