Anaiarte Biltokiak batzar orokorra deitu du
Apirilaren 25ean egingo da, 17:30ean, Anaiarte elkarteko gimnasioan.
Mutrikuko Anaiarte Biltokiak bazkideei bideratutako deialdia egin du, zehazki, batzar orokorra deituz apirilaren 25ean, 17:30ean Anaiarte elkarteko gimnasioan. Biltokitik hurbiltzeko deia egin dute: “Zuen partaidetza oso garrantzitsua da denon artean Anaiarte Biltokia indarberritzeko“. Hortaz, proposamenak ekartzeko eskatu dute.
Bileraren gai ordenaren berri eman dute, eta lehenik, Zuzendaritza Batzorde berriaren aurkezpena egingo dute. Ondoren, kuten ordainketen egoerari buruz hitz egingo da, bazkideen bazkaria eta bidaiak ere gai ordenaren baitan daude. Amaitzeko, iradokizunak eta galderak egingo dira. Bileraren ondoren montxorra egongo da.
