Amorotoko Pala Txapelketako finalaurrekoak, abiatzear
Lehen eta bigarren mailako bina bikote geratzen dira txapelketan. Bihar [maiatzak 17] eta hurrengo asteko eguaztena[maiatzak 24] artean lehiatuko dituzte finalerdiak.
Pandemia sasoian bertan behera egon ondoren, aurten berreskuratu egin dute Amorotoko Pala Txapelketa. Lagunarteko lehiaketaren 31. ekitaldia izaten ari da aurtengoa; martxoaren 31n ipini zuten abian, orduan lehiatu baitzuten lehendabiziko jardunaldia. Aurten, herritarrek erantzun bikaina eman diote txapelketan parte hartzeko deialdiari: 23 bikotek izena eman dute; hamabost bigarren mailan aritu dira eta zortzi, berriz, lehen mailan.
Aste honetan, txapelketako finalaurrekoak jokatuko dituzte herriko pilotalekuan. Bihar [maiatzak 17] eta datorren zapatuan [maiatzak 20], bigarren mailakoen txanda izango da. Bihar, Simon-Baltza bikoteak Azeriren eta Diazen kontra neurtuko ditu indarrak. Zapatuan, aldiz, Guineak eta Mikelek Trontxo eta Jon edukiko dituzte aurrez aurre.
Finalak, hilaren 27an. Lehen mailako finalerdiei dagokienez, barikuan [maiatzak 19] eta datorren asteko eguaztenean [maiatzak 24] jokatuko dituzte finalaurrekoak. Barikuan, Ikedi II.a eta Liher Julenen eta Ekaitzern kontra ariko dira. Eguaztenean, berriz, 2019ko garaileek, Jonpuk eta Josuk, Belarriren eta eta Epermendiren aurka lehiatuko dute finalerako pasaera. Finala, hain zuzen ere, maiatzaren 27an jokatuko dituzte.
