Eskualdeko atletek hamaika domina eskuratu dituzte
Tximista Taldeko eta Durango Kirol Elkarteko kirolariek emaitza ikusgarriak lortu dituzte Euskadiko Txapelketan.
Unax Solabarrieta ondarrutarra podiumean. Iturria: Durango Kirol Elkartea 18-20 urtez azpiko Euskadiko Txapelketa lehiatu zen zapatuan [maiatzak 13] Donostian, eta eskualdeko hainbat kirolarik parte hartu zuten, emaitza ikusgarriak lortuz, tartean, Durango Kirol taldeko atletak eta Tximista taldekoak.
Tximista taldeko kideak hainbat domina lortu zituzten modalitate ezberdinetan. Naia Garetxanak urrea lortu zuen luzera jauzian (5,60 m) , eta baita bi zilar ere; altuera jauzian (1,56 m) eta jauzi hirukoitzean (11,57m). Mikel Odiagak mailu jaurtiketak lehenengo postua lortu zuen (24,90 m). Eritz Murelagak mailu jaurtiketa proban “jaurtiketa guztiak egite lortu” eta podiumeko hirugarren postua eskuratu zuen (23,17 m) . Aiora Pikabeak pertika jauzian hirugarren postua lortu zuen, bi metroko saltoagaz egin eta bere parka pertsonala hobetuz. Nicole Cuencak zilarra lortu zuen mailu jaurtiketan (33,32 m) eta hirugarren postua eskuratu zuen disko jaurtiketan (19,92 m). Amets Amutxastegik, berriz, zilarra lortu zuen mailu jaurtiketan (33,90m).
Durango Kirol Taldeko kideek ere maila paregabea erakutsi zuten. Aratz Martinezek hirugarren postua lortu zuen disko jaurtiketan (31,21m). Sarai Lejardik urrea lortu zuen pisu proban (11,08m) eta baita disko jaurtiketan ere (35,09). Izaro Aranburuk hirugarren postua eskuratu zuen 1.500 metroko proban (5.03,70). Unax Solabarrietak 400 metroko proban urrea eskuratu zuen (50,56). Urtza Agirrek, berriz, 400 metroko proba lehiatu eta hirugarren postua eskuratu zuen (59,97).
