Yolanda Larreategik eta Helena Azkarragaurizarrek 'Puta Gorda' liburua aurkeztu dute Donostian

2023/11/20

Erein Argitaletxeak argitaratu eta aurkeztu du Yolanda Larreategi idazlearen eta Helena Azkarragaurizar ilustratzailearen Puta Gorda liburua, Markina-Xemeingo XVII. Peru Abarka Album Lehiaketako narrazio onenaren eta ilustrazio onenaren sariak irabazi ostean. Pasaden barikuan [azaroak 17] izan zen aurkezpena, Donostiako Udal Liburutegian eta bertan egon ziren Larreategi eta Azkarragaurizarretaz gain, Mari Eli Ituarte Markina-Xemeingo euskara eta kultura zinegotzia eta Uxue Razkin Erein Argitaletxeko editorea ere.

Bataren hitzekin eta bestearen ilustrazioekin, liburuan drama bat kontatu dute, eta oso lan “gogorra” dela azpimarratu dute egileek: “Irakurleak aukera aparta edukiko du lodifobia sufritzen duen nerabe baten azalean egoteko”.

Yolanda Larreategi eta Helena Azkarragaurizar 'Puta Gorda' liburuaren aurkezpenean Donostian. Argazkia: Erein Argitaletxea.

Helena Azkarragaurizar ilustratzailea liburuagaz, eta Yolanda Larreategi idazle markina-xemeindarra. Argazkia: Erein Argitaletxea.

Erlazionatutako edukiaYolanda Larreategi: “Lodifobia ez dugu gainditu, bere horretan jarraitzen du”Helena Azkarragaurizar: “Helburua izan da eguneroko ekintzetan indarra jartzea”