'Gizonak feminismoan zer?' ikastaroa abiatuko da Etxelilan
Lehenengo ikastaroa azaroan egin zen eta erantzun ona izan zuen. Bigarren ikastaroa otsailaren 20an abiatuko da.
Ondarroako Etxelilak gizonen desboteretzea ardatz Gizonak feminismoan zer? ikastaroa abiatu zuen azaroan eta otsailean bigarren ikastaro bat abiatuko da Emagin elkarteko Asier Arizkorreta Hurtadoren gidaritzapean.
Lehenengo ikastaroak “erantzun ona” izan zuela zehaztu zuten, hamar lagunez osatutako talde bat batu zen eta asteroko lanketa bat eraman zuten aurrera. Arizkorretak eskainiko duen ikastaroak, ostera, lau saio izango ditu, hilabetean saio bat egingo delarik. Ikastaroaren lehenego saioa otsailaren 20an izango da, 18:00etatik 20:00etara, Etxelilan. Parte hartu nahi dutenek aurretiaz izena eman beharko dute etxelila@ondarroa.eus posta elektronikora idatzita edo 664 54 73 67 telefonora deituta.
Gainontzeko saioak ere noiz izango diren zehaztu dituzte:
- Otsailak 20
- Martxoak 19
- Apirilak 16
- Maiatzak 21
