Apirilaren 13an ospatuko dute Etxebarriko Elizpe Rock jaialdia
Parte hartu nahi duten bakarlari nahiz musika taldeek izena eman beharko dute martxoaren 17a baino lehen.
Urteroko hitzordua bihurtu da Lea-Artibai eta inguruetako musikarientzat Etxebarriko Elizpe Rock jaialdia, eta aurtengoan ere ez da gutxiagorako izango. Apirilaren 13a agendan gorde beharreko data izango da musikarientzat, antolatzaileek aurreratu dutenez egun horretan ospatuko dute jaialdia.
Orain arte bezala, parte hartu nahi duten musikariek izena eman beharko dute elizperock@gmail.com helbidera idatziz, edo euren Instagram kontura idatziz, @elizperock. Jakinarazi dute martxoaren 17a izango dela izena eman ahal izateko azken eguna. Beti bezala, bakarlari, talde nahiz estilo guztietako musikariek edukiko dute tartea jaialdian. Antolatzaileak jada hasita daude egitaraua osatzen, eta aurreratu dutenez urteroko moduan arratsaldean hasiko dira kontzertuak, bi eszenatoki erabiliz.
