Hamazazpi domina etxeratu ditu Ondarru Igeri Taldeak
Bizkaiko Neguko Txapelketan emaitza ikusgarriak lortu ditu taldeak. Euskadiko Txapelketa lehiatuko dute sei igerilarik.
Asteburuan Sestaoko Las Llanas kiroldegian lehiatu den Bizkaiko Neguko Txapelketan parte hartu dute Ondarru Igeri Taldeko igerilariek, zehazki, 2009-2010 urteetan jaiotakoek eta emaitza izugarriak etxeratu dituzte; urrezko zazpi domina, zilarrezko zazpi domina eta brontzezko 3 domina.
Ioar Urkiri entrenatzailea pozik agertu da taldeak egindako lanagaz: “Asteetako entrenamendu neketsuen ostean, igerilariek euren talentua eta ardura erakutsi dute asteburu luzean. Lehiaketa guztietan, denek erakutsi dute trebetasun eta erabakitasun maila ikaragarria”.
Bederatzi igerilari aritu dira asteburu osoan zehar probetan onena ematen eta emaitzetan ere islatzea lortu dute. “Lorpenak lan gogorraren eta bikaitasunarekiko konpromisoaren emaitza dira”. Banakako lorpenez gain, erreleboetan ere parte hartu du taldeak. 4×100 krol erreleboetan laugarren postua eskuratu dute eta 4×100 estiloetan, ostera, zilarra etxeratu dute.
50 tximeletan gutxieneko denbora lortuaz Uxue Mendizabal Zenarruzabeitiak Euskadiko Txapelketa lehiatzeko txartela lortu du. Hortaz, sei igerilari ariko dira lehian: Elaia Mujika Basterra, Dylan Akarregi Murphy, Noa Basaras Kortabarria, Ariane Fernandez Garro, Naroa Osa Garnika eta Uxue Mendizabal Zenarruzabeitia.
Hemen igerilari bakoitzak egindako probak eta emaitzak:
- Uxue Basaras Aristondo
- 50 Krol (11)
- 50 Bizkar (8)
- Noa Basaras Kortabarria
- 50 Krol (10)
- 50 Tximeleta (6)
- 200 Estilo (2)
- 400 Estilo (3)
- Izaro Cancer Gonzalez
- 50 Bular (4)
- 100 Bular (5)
- 200 Bular (5)
- 50 Krol (6)
- Ariane Fernandez Garro
- 50 Krol (4)
- 100 Krol (2)
- 50 Tximeleta (7)
- 100 Estilo (3)
- Dylan Akarregi Murphy
- 100 Krol (6)
- 100 Estilo (3)
- 100 Bizkar (2)
- 200 Bizkar (1)
- Uxue Mendizabal Zenarruzabeitia
- 50 Krol (6)
- 50 Tximeleta (2)
- 50 Bizkar (4)
- 400 Estilo (2)
- Elaia Mujika Basterra
- 50 Krol (1)
- 100 Krol (1)
- 200 Krol (1)
- 100 Bizkar (5)
- Naroa Osa Garnika
- 50 Bizkar (1)
- 100 Bizkar (1)
- 200 Bizkar (1)
- 100 Estilo (2)
- Enara Santos Gabilondo
- 50 Bizkar (9)
- 100 Bizkar (12)
- 50 Tximeleta (12)
