Boga-Boga elkartearen historia ikusgai dago
Ondarroako udal erakusketa aretoan ikusteko aukera dago asteburuan. Elkartearen 30 urteko ibilbidearen erakusgarri da.
Ondarroako Boga Boga Emakumin* Elkartearen ibilbidearen erakusgarri den erakusketa ikusgai dago udal erakusketa aretoan. Pasaden asteburuan ireki zituen ateak eta asteburuan ere ikusgai egongo da; zehazki, zapatuan [apirilak 13] eta domekan [apirilak 14]. “Boga Bogaren historia, lana eta ekintzak hurbiletik ezagutzeko aukera dago”.
30 urteko ibilbidea osatu du Ondarroako emakumeen ahalduntzean lanean ari den taldeak, eta hasieratik eguneraino egindakoa herriratzea izan da ospakizunerako aukeratu duten bidea. Taldearen ateak zabaldu eta bizitakoa, egindakoa, jasotakoa eta ikasitakoa erakusteko aukera eskaintzen duen erakusketa antolatu dute. “30 urte daramagu Ondarroako andran ahalduntzean beharrean, eta beste horrenbeste egiteko indarragaz”.
Ikusgai egongo da ondorengo ordutegian:
- Zapatuan 12:00etatik 14:00etara eta 18:00etatik 20:00etara.
- Domekan 12:00etatik 14:00etara.
