'Dantza irauli zuten emakumeak' ikastaroa, Etxelilan
Izena emateko epea zabalik dago. Ikastaroan teoria eta praktika uztartuko dira, baina ez da beharrezkoa izango dantzatzen jakitea
Dantzaren historian murgildu eta emakumeek egindako iraultza ezagutzeko aukera egongo da Etxelilan Dantza irauli zuten emakumeak ikastaroren bitartez, eta parte hartzeko interesa dutenek izena ematea zabalik dute.
Amaia Cabero Saizar dantza sortzailea eta irakaslea izango da saioaren bideratzailea eta ikastaroaren helburua dantzaren historian garrantzitsuak izan diren emakumeak ezagutzea izango da. “XX. mende hasierako dantzari eta sortzaile asko garaiko dantza arauen kontra azaldu ziren eta norma haiek guztiz apurtzea lortu ez arren, garako dantza testuinguru hankaz gora jarri zutela esan daiteke. nolatan ez ditugu ezagutzen?”
Bi saio izango ditu ikastaroak, biak ala biak eguenak izango dira; maiatzaren 23a eta maiatzaren 30a, 18:00etatik 20:00etara. Ikastaroan teoria eta praktika uztartuko dira, baina ez da beharrezkoa izango dantzatzen jakitea. “Ez gaitzala mugimenduak geldiarazi”. Izena emateko bi bide zehaztu dituzte: etxelila@ondarroa.eus posta elektronikora idaztea edo 946134008/ 664 54 73 67 telefonoetara deitzea.
