Eskualdeko adituak izango dira protagonista Ondarroako 4. Zientzia eta Teknologia Astean
Hiru eguneko egitaraua osatu dute eta eguaztenean [maiatzak 29] hasiko dira hitzaldiak. Dronen tailerrean parte hartu nahi dutenek izena eman beharko dute.
Herritarrak eta eskualdeko adituak izango ditu protagonista Ondarroa BHI-k laugarren urtez antolatu duen Zientzia eta Teknologia Asteak. Egitarau bete-betea dakar hiru egunetan banau duten egitarauak; ohi legez, ikasleei zuzendutako saioez gain, herritarrei bideratutako saioak ere eskainiko dituzte eta, denak ala denak, herritarrengana zabaltzeko asmoz, ekintza batzuk streaming bidez jarraitzeko aukera egongo da; “Zientzia eta Teknologia arloetarako ikasleen grina sustatzeko helburua baitu ekimenak”, zehaztu dute antolatzaileek.
Eguaztenean [maiatzak 29] hasiko dira hitzaldiekin, eta zehazki, bizigarriei eta minbiziari buruzko saioak ipiniko dituzte erdigunean. Horrez gain, urteroko hitzordu bilakatu den dronen tailerra egingo dute eta parte hartzeko interesa dutenek izena eman beharko dute, lekuak mugatuak baitira. 11 eta 17 urte bitartekoei dago zuzenduta saioa eta izena emateko zigoraldazabal@ondarroabhi.net posta elektronikora idatzi behar da. Eguenean [maiatzak 30] , ostera, teknologia eta futbola, burmuinaren barnean eta muralen teknikei buruzko hitzaldiak egongo dira. Eguenean [maiatzak 31], ostera, motorrak, astrotopaketak eta erroten teknologia landuko dituzte saio ezberdinetan.
EGITARAUA
Maiatzak 29, eguaztena
- 09:00-10:00. Zientzia eta Estimulanteak Ioana Osarekin. *Streaming bidez jarraitu daiteke saioa.
- 10:45-11:15. Rubik kuboaren lehiaketa.
- 11:15-12:10. Zer dago minbiziaren atzean? Iker Badiolarekin. *Streaming bidez jarraitu daiteke saioa.
- 16:00-17:30. Dronen tailerra, Institutoko gimnasioan. *Izena eman behar da aurretiaz.
Maiatzak 30, eguena
- 08:10-09:00. Teknologia eta futbola Mikel Badiolarekin. *Streaming bidez jarraitu daiteke saioa.
- 09:50-10:45. Burmuinaren barnean Ane Murueta-Goyenarekin. *Streaming bidez jarraitu daiteke saioa.
- 13:30-14:25. Muralen teknikak Lian eta Gotzon Iparragirrerekin.
- 16:00-17:00. Spaghettiekin egindako zubien erakusketa Zaldupen.
Maiatzak 31, barikua
- 08:00-09:15. Moto student Aitzol Etxeberriarekin.
- 10:10-13:05. Erroten teknologia Jon Zubiaurrerekin.
- 12:10-13:05. Astrotopaketak Gorka Buruagarekin. *Streaming bidez jarraitu daiteke saioa.
