"Giro ederra" izan zuten Ondarroako atletismo erakustaldian
Irailaren 7an [zapatua] egin zuten atletismo erakustaldia Ondarroako Arrigorri hondartzan, Ondarroako Atletismo Taldearekin eskutik. Antolatzaileek "balorazio ona" egin dute.
Zapatuan burutu zen atletismo erakustaldia. Argazkia: Ondarroako Atletismo Taldea. Eguraldia lagun, “giro ederrean” ospatu zuten atletismo erakustaldia Ondarroako Arrigorri hondartzan, Ondarroako Atletismo Taldeak antolatuta. 13:00etan hasi zen erakustaldia eta bertaratu ziren guztiek izan zuten parte hartzeko aukera. Helburua haurrak atletismo mundura hurbiltzea izan zen eta hondartzara hurbildu zirenek atletismoa zer den ezagutu eta probatzeko aukera izan zuten.
Lehenengo aldiz egin zuten luzera jauzia eta 6 metro eta 30 zentimetrorainoko saltoa izan zen luzeena. Horrez gain, erreleboetan Gernika-Lekeitio taldeak irabazi zuen, Durangok bigarren postua lortu zuen eta Ondarroak hirugarrena.
Argazkia: Ondarroa Atletismo Taldea.
