Pertsona Nagusien Nazioarteko Eguna ospatu dute Markina-Xemeinen
50 herritarretik gora elkartu dira Mikel Odriozola medikuaren hitzaldian. San Roke egoitzako nagusiek tailerra egin dute herriko gazteekin.
Atzo [urriak 1] Pertsona Nagusien Nazioarteko Eguna aitzakiatzat hartuta, ospakizunean elkartu ziren Markina-Xemeinen. Herriko Lagunkoia taldeak antolatuta, eta Beti Jai Jubilatuen Elkartearen laguntzagaz, Mikel Odriozola medikuaren Zahartzaro osasuntsua hitzaldia entzun zuten. Odriozolak galdera batekin hasi zuen hitzaldia: “Zer nahiago zenukete, luze ala ondo bizi?”. Hari horri tiraka, gustura entzun zuten hitzaldia bertaratu ziren 50 herritar inguruk.
Ostean, gainera, mokadutxoa egiteko aukera eduki zuten, eta baita dantzaldia egiteko tartea ere. San Roke egoitzako nagusiek, aldiz, herriko gazteekin tailerra egin zuten eguna ospatzeko.
Argazkia: Markina-Xemeingo Udala.
Argazkia: Markina-Xemeingo Udala.
