Palestinaren aldeko ekimenak egongo dira asteburuan Mutrikun
Elkarretaratzea egingo dute etzi [urriak 12] Mutrikuko biribilgunean.
Palestinaren aldeko aldarrikapenekin jarraituz, astebururako ekimen desberdinak antolatu dituzte Mutrikun Euskal Herria Palestina askatu txapelpean.
Bihar [urriak 11] izango dute lehen hitzordua, merkatu plazan, 19:00etan egongo den hitzaldiarekin. Askapenako, Euskal Herriko erakunde internazionalista, eta Samidouneko, preso palestinarrekiko elkartasun sarea, kideak izango dira hizlariak. Lehenengoa, munduko inperialismoaren inguruan arituko da, eta bigarrena, Palestinako inperialismoari buruz.
Ekimenei jarraipena emanez, etzi [urriak 12] elkarretaratzea egingo dute Mutrikuko biribilgunean, 12:30ean. Domekan [urriak 13] berriz, Mutrikuko Rock Kolektiboak antolatuta, bertso saioa egongo da 12:30ean, Iñigo Arrizabalaga eta Alexander Idoetaren eskutik. Ostean, 13:00etan Lur Azpian taldeak kontzertua eskainiko du, eta jarraian, Endiwendi izango da plaza girotzeaz arduratuko dena.
