Eguenean bakarrik egongo da medikua Berriatuan
Gainontzeko egunetan berriatuarrek Ondarroako Osasun Etxera joan beharko dute.
Bueltan dira Berriatuan medikuaren gorabeherak. Aste honetan egun bakarra egongo da medikua herriko osasun etxean, eguenean [urriak 31], hain zuzen ere. Gainontzeko egunetan [urriak 28, 29 eta 30] berriatuarrek Ondarroako osasun etxera jo beharko dute medikuagaz kontsultarik edukiz gero.
Aurretik, uda osoan, uztailaren 15etik Berriatuan erizaina baino ez zenegon, egun erdiz, eta medikua behar izan dutenek Ondarroan hartu behar izan zuten hitzordua. Osasun Sailetik udako oporretako bi hilabetetan ordezkapenik egin ezin dituztela esan zieten eta horrela hutsunea geratu zen Berriatuan. Udaletik osasun zentroko egoera salatu zuten eta Jaurlaritzari exijitu zioten “egoera konpontzeko konpromisoak hartzea”.
