Lea-Artibain 11 pertsona bizi dira kalean
Markina-Xemeinen eta Lekeition launa, eta Ondarroan hiru etxegabe zenbatu dituzte. Arabako, Bizkaiko eta Gipuzkoako 30 udalerritan egin da azterketa, eta guztira 1.541 pertsona zenbatu dituzte.
Lea-Artibai Mankomunitateak joan den urriaren 23an eta 24an etxegabeen kale kontaketa egin zuten Lea-Artibain. Lekeition, Markina-Xemeinen eta Ondarroan egin zuten kontaketa eskualdeko hamalau herritar boluntariok. Hala, eman dituzte jakitera Euskal Autonomia Erkidegoan bizitegi bazterketa larria bizi duten pertonen inguruko azterlanaren emaitzak.
Eskualdean guztira 11 pertsona aurkitu zituzten kalean: Lekeition eta Markina-Xemeinen launa, eta Ondarroan, hiru. 11 pertsona horietatik hamar gizonezkoak ziren, eta bat emakumezkoa.
Eskualdeko kontaketaz gain, Araba, Gipuzkoa eta Bizkaiko 30 udalerritan egin dute kontaketa 631 boluntario eta 152 profesionalek, eta guztira 1.541 pertsona zenbatu dituzte kaleetan; horietatik 895 izan dira Bizkaiko kaleetan aurkitu dituztenak.
