Barinagako IX. Pala Txapelketa jokatuko dute abenduaren 9tik aurrera
Izena emateko azken eguna abenduaren 8a izango da.
Barinagako frontoi txikiak pala txapelketa hartuko du berriro ere. Barinagako Jai Batzordearen ekimenez, bederatzigarrenez palan jokatzeko aukera egongo da bertan. Abenduaren 9an hasi eta urtarrilaren 17an amaituko dute txapelketa.
Parte hartu nahi dutenek izena eman beharko dute 608 97 02 99 telefonora deituz eta 12 euroko Bizuma eginez; horretarako azken eguna, abenduaren 8a izango da. Antolatzaileek azaldu dutenaren arabera, nesken eta mutilen kategoriak jokatuko dituzte, eta lau sari banatuko dituzte. Lehenengoak 80 euro eta txapela eskuratuko ditu; bigarrenak, 50 euro eta pala bat; hirugarrenak, 30 euro eta pilota kaxa bat, eta laugarrenak, Santamañeko gazta bat.
