Gabonetako argiak piztuko dituzte eguenean Markina-Xemeinen
Argien piztueragaz batera, Hemen Be Bai merkatarien elkarteak tonbolako sariak banatuko ditu.
Abenduan sartu berritan, Markina-Xemeinen ohitura duten bezala, abenduaren 5ean herriko Gabonetako argiak piztuko dituzte. Horretarako, 20:15ean elkartuko dira denak udaletxe aurrean. Urtero bezala, aurten ere Hemen Be Bai merkatari elkarteak piztuko ditu argiak, eta azken egunetan martxan egon den hainbat ekimeni amaiera emango diete.
Horien artean egongo dira, tonbola eta argazki lehiaketa. Tonbolari dagokionez, azaroaren bigarren hamabostalditik egon da martxan, eta guztira 2.000 euro banatuko dituzte sari guztien artean. Deskontuak unean bertan jaso dituzte herriko erosleek, baina, produktu eta zerbitzuei dagokienez, ezinbestekoa izango da argien piztuera ekitaldira joatea saria jasotzeko. Antolatzaileek adierazi dutenez, ostean luntxa egongo da.
