Barikuan piztuko dituzte Lekeitioko Gabonetako argiak
Kitto merkatari elkartearen ekimenez 19:30ean elkartuko dira plazan; opari bat jasoko dute bertaratzen direnek.
Hainbat hiri eta herritan piztu dituzte jada Gabonetako argiak, eta Lekeitioren txanda barikuan [abenduak 13] izango da. Kitto merkatari elkartearen ekimenez iluntzea heldu orduko elkartuko dira lekeitiarrak plazan. 19:30ean musikaz girotuko dute plaza ingurua, eta sorpresaren bat ere egongo da: “Bertaratzen direnei opari bat emango diegu, Lekeitio bizirik eta argiztatuta egon dadin. Gainera, gaztain erreak ere eskainiko ditugu”. Hala, Gabon giro bete-betean murgilduko dira, eta 20:00etan argiak piztuko dituzte.
