Urtarrilaren 4an izango da Amorotoko Gabon lasterketa
Izena ematea egunean bertan izango da, 10:30etik 11:00etara. Lasterketa, 11:00etan hasiko da.
Urtarrilaren 4an [zapatua] egingo da aurten Amorotoko IV. Gabon Lasterketa, Amorotoko Guraso Elkarteak antolatuta. Egunean bertan egongo da apuntatzeko aukera, 10:30etik 11:00etara, eta lasterketarik 11:0etan hasiko da, frontoian.
Antolatzaileek hiru mailatan batu dute zirkuitua; lehenengoa, 11:00etan hasiko da, eta haur hezkuntzako umeei zuzenduta egongo da, bi urtetik hasi eta 5 urtera arte. 200 metroko zirkuitu gorria egingo dute umeek. Bigarrena, 11:15ean hasiko da, eta lehen hezkuntzako umeei bideratutako lasterketa izango da, 6 urtetik 12 urtera arte. Zirkuitu gorri eta horia egingo dute gazteek, guztira 600 metro burutuz. Hirugarrena, 4,5 kilometroko ibilbidea izango da, eta 1,5 kilometroko buelta hiru aldiz egingo dute korrikalariek. 11:30ean hasiko dira, eta 12 urtetik gorakoei zuzenduta dago.
Behin lasterketa amaitu ostean, txokolatea banatuko da parte hartzaile guztientzat.
Iazko lasterketako parte hartzaileetako batzuk.Amorotoko Udala
