Mutrikuko mozorro lehiaketan izena emateko epea zabalik dago

Inauterietako mozorro lehiaketan izena emateko azken eguna otsailaren 20a [eguena] izango da. Taldeka zein banaka parte hartzeko aukera egongo da.

Azken urteetan bezala, aurten ere, Arima Dance taldeak mozorro lehiaketa antolatu du inauterietan [martxoak 1], Mutrikuko Udalaren laguntzarekin. Interesa duen edonork parte hartu dezake, banaka zein taldeka, kultura@mutriku.eus helbidera idatziz, otsailaren 20a [eguena] baino lehen. 

Antolatzaileek aukeratuko dute epaimahaia, eta ikuskizunaren eta mozorroaren originaltasuna baloratuko dira lehiaketan. Aurten, gainera, adinaren arabera banatuko dira sariak, eta antolatzaileek adierazi dutenez, ez dira egunean bertan emango: “Saria kobratu ahal izateko udaletxean aurkeztu beharko da banketxeko titulartasun ziurtagiria 30 eguneko epean”.

Sariak:

Gazte eta helduak (2010ean edo lehenago jaioak):

  1. Saria: 100 euro.
  2. Saria: 70 euro.
  3. Saria: 40 euro. 

Umeak (2011an edo beranduago jaioak):

  1. Saria: 80 euro.
  2. Saria:60 euro.
  3. Saria: 40 euro.