Irakaskuntzako grebara batzeko deia zabaltzeko asmoz itxialdia egin dute Markina BHIn
Urtarrilean egindako greba zikloaren jarraipena egingo dute bihar eta etzi [otsailak 26 eta 27] irakaskuntza publikoko langileek. Bart [otsailak 24] itxialdia egin dute Markina BHIn hamabost irakaslek.
Markina BHIko itxialdia.Markina BHI Urtarrilean egindako greba zikloaren jarraipena egingo dute bihar eta etzi [otsailak 26 eta 27] irakaskuntza publikoko irakasleek. Irakasleen lan baldintzak hobetuko dituen akordio arautzaile berria da eskatzen dutena, eta horretarako beharrezkotzat jo dute greben bigarren txandan ere indar erakustaldia errepikatzea. Era berean, Hezkuntza Sailari edukiak mahai gainean jartzea ere eskatzen diete.
Halaber, grebagaz bat egin eta Markina BHI institutuan itxialdia egin dute bart [otsailak 24] hamabost irakaslek: “Bizkaian Diman eta Plentzian ere egin dira itxialdiak, eta Markina-Xemeingoa da hirugarrena. Markina BHI ikas zentroko bost irakasle inguru egon gara, eta gainontzekoak ingurutik etorritako irakasleak izan dira”. Itxialdia greba egunak indartzeko asmoz egin dute, eta irakasle denei dei egin diete bihar eta etziko [otsailak 26 eta 27] mobilizaziotan parte hartzeko. Bihar [otsailak 26] 11:30ean izango dira mobilizazioak, hiriburuetan: Bilbon Lurralde Ordezkaritzatik irtenda, Donostian Bulebarretik irtenda eta Gasteizen Bilbo Plazatik irtenda. Etzi [otsailak 27], ostera, 11:30ean Gasteizko Europa Jauregitik irten eta Lakuara bitarteko bidea egingo dute.
